alternativa medicino

alternativa medicino estas termino kiu kovras multegajn metiojn, iuj novaj iuj antikvaj, kiuj celas sanigi homojn plej ofte per la reekvilibrigo de la tuta homa esto; korpo, menso, kaj spirito. la rimedoj, kiujn uzas la diversaj artoj, tre variegas. iuj artoj uzas masagxajn stilojn, iuj uzas kristalojn, iuj uzas plantajn medicinojn, iuj uzas spiritajn energiojn. cxiuj artoj estas forte influataj de la orientaj filozofioj, cxina kaj hinda, kaj de la ideoj de la "nova epoka" filozofio. iuj estas tute orientaj; ekzemple shiatsu (sxiacu-o) estas tute japana lerto, devene de la cxina akupunkturo, sed uzanta fingropremon anstataux pinglan pikon.

alternativa medicino havas plejan sukceson pri kronikaj malsanoj, kie ortodoksa okcidenta medicino malsukcesas. ortodoksa medicino plej sukcesas pri akutaj malsanoj, devenantaj de akcidento aux de longa neglekto de la ekvilibro de la tuta homo.

mi lernis fari du kuracistajn artojn; terapia masagxo kaj reiki-o.

• terapian masagxarton mi lernis en la kolegio de tuteca medicino (College of Holistic Medicine) en glasgovo. oni instruas la "svedan stilon", sed la kurso estis pli ol nur pri tekniko. oni lernas pri la cxina ideo pri "chi", la universala energio kiu estas en cxio. oni lernas kiel rekoni la fluojn de chi en la paciento kaj same grave en si mem. same grave, cxar necesas distingi inter siaj propraj emocioj kaj tiuj de la paciento dum la masagxo. atenta konstato pri, kiel iras la traktado, kiel statas la paciento, kaj kio estas tauxga traktajxo, estas tre grava por terapia masagxisto.
• reikion, kiu signifas en la japana "spirite gvidata energio", mi lernis kun richard patterson, en stirlingo. en tiu cxi arto oni metas la manojn sur la korpon de la paciento, sen movi nek manipuli kiel dum masagxo, cxe specifaj lokoj, la cxakroj (chakra), kaj permesas ke la universala energio enfluu tra la manoj en la korpon de la paciento. kutime la kuracisto sentas fortan varmon en siaj manoj dum fluas la energio. la paciento ankaux ofte sentas tiun varmon. por ricevanto de reikio la sperto estas tre malstrecxiga, kaj pacientoj ofte endormigxas dum traktado! oni povas "sendi" reikion tra spaco kaj tempo, tiel ke homo en alia mondo parto ricevu traktajxon je specifa, antauxe decidita horo. tiu cxi "distanca reikio" estas tre efika, kaj mi povas atesti pri sukcesa kuraco "far" mi al virino en auxstralio.

interesaj ankaux estas la sekvaj artoj:

• psikoterapio
• kristala terapio
• kolora terapio
• spirita sanigo
• hipnoterapio
• sxiacuo

rilataj al la gxenerala temo de alternativa kuracartoj estas la filozofioj kiuj kontribuas al la lertoj. sube vi trovos ligojn kiuj plimalpli havas iun rilaton al alternativa medicino.

• pliaj ligoj sekvos

vi povas sendi e-posxtan mesagxon al mi: